"Chelsea" "Barcelona"dan Pedro Rodriqezi transfer etmək qərarına gəlib. Movqe.az Goal.az-a istinadən xəbər verir ki, "zadəganlar" ispaniyalı futbolçunun buraxılış qiymətini - 30 milyon avronu ödəməyə razıdır. İspaniya nəşrləri iddia edir ki, Pedro katalonlarla müqaviləsini 2019-cu ilə kimi uzadanda buraxılış qiymətini 150 milyon deyil, 30 milyon göstərməyi xahiş edibmiş. Bundan başqa Pedronun "Chelsea"də oynamaq istədiyi də bildirilir. Daha öncə futbolçu "Arsenal", PSG və "Liverpool"un təklifindən imtina etmişdi.