Lənkəranda yol qəzası: 6 yaralı
Vəziyyəti daha ağır olan 3 yaşlı Ayxan Quliyev qapalı kəllə beyin travması ilə reanimasiya şöbəsinə yerləşdirilib
Lənkəran rayonunun Liman-Nərimanabad-Balıqçılar yolunda çoxsaylı xəsarətlərlə nəticələnən yol qəza hadisəsi baş verib.
Movqe.az-ın məlumatına görə, yolun Nərimanabad qəsəbəsi hissəsindən keçən ərazidə sərt döngədə sürəti tənzimləyə bilməyən sürücü avtomaşını aşırıb.
Vəziyyəti daha ağır olan 3 yaşlı Ayxan Aqil oğlu Quliyev qapalı kəllə beyin travması ilə Lənkəran Rayon Mərkəzi Xəstəxanasının reanimasiya şöbəsinə yerləşdirilib. Daha 5 nəfər travmatalogiya şöbəsinə yrləşdirilib.
Onlardan ikisinə ambulator yardım göstərildikdən sonra evə buraxılıb. Faktla bağlı Lənkəran Şəhər Rayon Polis Şöbəsində araşdırma aparılır.