Nabranda istirahət mərkəzinin fahişəxana kimi fəaliyyət göstərməsi müəyyən edilib. Movqe.az DİN-ə istinadən xəbər verir ki, İnsan Alverinə Qarşı Mübarizə Baş İdarəsi və Xaçmaz RPŞ əməkdaşlarının həyata keçirdikləri əməliyyat tədbirləri nəticəsində Xudat şəhər sakini Elçin Cəfərinin Nabran kəndində yerləşən "Sevdiyim məkan" istirahət mərkəzində əxlaqsızlıq yuvası təşkil etməsi müəyyən edilib.
Faktla əlaqədar cinayət işi başlanıb.
Qeyd edək ki, İnsan Alverinə Qarşı Mübarizə İdarəsi əməkdaşları 2013-cü ildə də sözügedən istirahət mərkəzində əməliyyat keçirmiş və elə iki əvvəl də orada mərkəzin işçisi Adil Eyyubovun əxlaqsızlıq yuvası təşkil etməsi müəyyən edilmişdi.
Bu məqamda belə bir sual yaranır, əxlaqsızlıq yuvası kimi ittiham olunan istirahət mərkəzi niyə hələ də fəaliyyət göstərir?
