Pakistanın şimal-qərbindəki Qurara bölgəsində vəzifəli 27 yaşlı Ənvər Din adlı əsgər, yaxınlıqdakı bir qəsəbədə İntizar Bibi adlı 19 yaşındakı gənc qızla eşq yaşaması səbəbi ilə, qəsəbə sakinləri tərəfindən daşqalaq edilib. Movqe.Az-ın məlumatına görə, Yerli tayfa şurası üzvlərindən Münir Hüseyn, Ənvərin Bibiylə bir neçə dəfə tək görüşdüyünü öyrəndiklərini və buna görə də keçən çərşənbə axşamı günü hərbi qəsəbə qəbiristanlığına aparıb cəzasını verdiklərini söyləyib. Təxminən 50 nəfərlik bir qrup tərəfindən daşqalaq edilən Dinin qan itkisindən həlak olduğu ifadə edilərkən, gənc qızın aqibəti mövzusunda bir xəbər verilməyib.