"Samsung" yeni ağıllı telefonu "Galaxy S4" tətbiqlərini inkişaf etdirmək üçün 800 min dollar mükafatlı yarışma başladıb. Movqe.Az "Europe-ASamsung.com"da verilən xəbərə istinadən bildirir ki, ən son keçən il "Galaxy Note" üçün reallaşdırılan yarışmanın bir bənzəri də bu il təkrar ediləcək. "Samsung" bu yarışmalar nəticəsində tətbiq və dizayn müxtəlifliyini inkişaf etdirir. Bu səfər "Smart App Challenge 2013" adıyla "Galaxy S4" üçün edəcəyi yarışmada verəcəyi mükafat, tam 800 min dollardır. İştirakçılar, "Samsung" telefonları arasında "online server" və ya mobil telefon şəbəkəsinə ehtiyac qalmadan birbaşa olaraq kabelsiz əlaqə yaradılması xüsusiyyətinə sahib, "Samsung Chord SDK"sını istifadə edərək tətbiq inkişaf etdirəcəklər. Proqramlar xüsusilə "Samsung Group play" istifadə edilmək üzrə hazırlanacaq. "Samsung" "Group Play" platformasında, 6 cihazın meydana gətirəcəyi "wi-fi" oyun qrupu və fayl paylaşımı edilməsini qarşısına məqsəd qoyur. Müsabiqə sonunda 10 tətbiq, cəmdə 800 min dollar pul mükafatı qazanacaq. Bir adam 200 min dollar dəyərində pul mükafatının sahibi olarkən, ikinci seçilən üç tətbiqə 100 min dollar, üçüncü seçilən altı tətbiqə də 50 min dollar pul mükafatı veriləcək. Müsabiqə üçün müraciətlərin 20 iyunda başlayıb 31 avqustda bitəcəyi bildirilib.