Apple-ın yeni iPhone modellərini tanıdacağı fəaliyyət bu gün başlayır. Ucuz iPhone modeli "iPhone 5C" və iPhone 5S-lə yanaşı bir çox yeni Apple məhsulu tanıdılacaq. Smartfonlarıyla qısa müddətdə dünyanın ən məşhur texnologiya şirkəti halına gələn Apple-ın, yeni məhsullarını tanıdacağı fəaliyyəti bu gün başlayacaq. Bakı vaxtilə saat 22.00-da başlayacaq Apple fəaliyyətində son model Apple məhsulları tanıdılacaq. Şirkətin sızdırılan məlumatlarına görə fəaliyyətdə ucuz iPhone 5C və iPhone 5S-lə yanaşı, iPad Mini və yeni Apple TV-nin də nümayiş olunması gözlənilir. Apple-ın köklü dəyişiklik etməsi gözlənilən məhsullarından ən önəmlisi  iPhone-dur. Şirkət, iPhone 5S-in prosessorunu, batareyasını, qrafik prosessorunu və düyməsini dəyişdirəcək. iPhone 5s əvvəlki modelə görə sürətlənəcək və batareya müddəti uzanacaq. Yeni iPhone modelində barmaq iziylə iş xüsusiyyətinin olacağı iddiası  irəli sürülür. Yeni iPhone modelinin "iPhone 6" olaraq da adlana biləcəyi iddia edilir. Yeni iPhone modelinin qara və ağ rəngli modellərindən başqa qızılı modeli də olacaq.  Apple məhsulları yeni mobil əməliyyat sistemi iOS 7 ilə fəaliyyət göstərəcək. "İrşad Telecom"un Movqe.Az-a verdiyi məlumata görə yeni  iPhone 5C və iPhone 5S ölkəmizdə oktyabrın ortalarından etibarən satışda olacaq. 

 Bu gecə tanıdılacaq məhsullar:

-iPhone 5s

-iPhone 5C

(Ucuz iPhone)

-Yeni iPad Mini

-Yeni Apple TV

-iOS 7