Movqe.az xəbər verir ki, "Kaszas City" sakinləri "Google"ın saniyədə 1 gigabitlik fiber optik internet xidmətini evlərində sınamağa başlayıb. "Google Fiber" olaraq da bilinən yeni internet xidməti hazırda yalnız Kanzasın bəzi bölgələrində sınanmaqdadır. Rəsmilər tərəfindən edilən şərhdə ultra sürətli internet xidmətini istifadə edənlərin  saniyədə 1 gigabit məlumat transferi edə biləcəyini və bu səbəblə artıq internetdə gözləmə dövrünün sona çatacağı bildirilib. İndi "Google"ın yeni texnologiyası sayəsində böyük faylları çox sürətli bir şəkildə paylaşa və onlayn təhsil, sağlamlıq xidmətləri kimi sahələr üçün lazım olan yüksək sürətli internet texnologiyasını əldə edə biləcəklər. Kanzasdakı məktəblər, kitabxanalar və xəstəxanaların da faydalanacağı bu xidməti istifadə etmək istəyənlər 2013-cü ilin sonunu gözləməli olacaq.