Movqe.Az bildirir ki, Time jurnalı 2012-ci ilin sonlarına yaxın hər il olduğu kimi  "İlin Adamı" namizədlərinə səs verməyi təqdim edib. Namizədlər arasında fevral ayında Rusiya lideri Vladimir Putinə dəstək olan ortadoks kilsəsinə etiraz etmək üçün Moskvada bir kilsədə mahnı oxuyaraq rəqs edən rus pank qrupu "Pussy Riot" da var. "Time", qrupun namizədliyini "Azad düşüncənin və əleyhdar görüşlərin tez-tez cəzalandırıldığı bu ildə rus feminist pank qrupu "Pussy Riot" siyasi fikirlərini provokatif bir dillə ifadə etdi." sözləri ilə açıqlayıb. Ümumi 40 namizəd arasında Mitt Romni, çinli müxalif sənətçi Ai Ueiuei, Suriya Dövlət Başçısı Bəşər Əsəd, ABŞ Prezidenti Barak Obama, Misirin yeni Prezidenti Məhəmməd Mursi, "Apple" şirkətinin icraçı baş rəhbəri Tim Kuk, pakistanlı gənc fəal Malalan Yusufzay, müğənni Cey-Z, "Gangnam Style" mahnisi ilə tanınan müğənni Psy var. "Time"ın redaktorları tərəfindən seçiləcək "İlin Adamı" 14 dekabrda açıqlanacaq. "Time"ın internet saytı vasitəsilə də namizədlərə səs vermək mümkündür.