Dünyaca məşhur amerikalı aktyor, Hollivud ulduzu Brüs Uillisin qızı, onun sabiq xanımı Demir Murla nikahında doğulmuş Skaut Uillis qalmaqal yaradıb. 

23 yaşlı Skaut İnstagram fotoservisinin rəhbərliyinin istifadəçilərin profillərindəki fotoşəkilləri senzuraya məruz qoyması, xüsusilə də yarıçılpaq və çılpaq fotoları silməsinə qarşı keçirilən "FreeTheNipple" adlı etiraz aksiyasına qatılıb.

Mövqe.az xəbər verir ki, milli.Az TMZ-yə istinadən bildirir ki, Skaut Uillis Nyu-Yorkda küçəyə qurşaqdan yuxarı çılpaq çıxaraq supermarketə yollanıb. O, supermarketdə yarıçılpaq vəziyyətdə alış-veriş edərkən çəkdirdiyi fotoları Twitter-dəki profilində "#FreeTheNipple" heşteqi ilə yayıb və yazıb: "Bu fotolar İnstagram-ın sizin görməyinizə imkan verməyəcəyi şəkillərdir".

Sabiq model və aktrisanın bu davranışı birmənalı qarşılanmayıb.

Skaut Uillis sosial şəbəkələrdə onu sərt tənqidlərə məruz qoyanlara isə belə cavab verib: "Əgər çılpaqlığım kiminsə xoşuna gəlmirsə, bu, onun problemidir. Bədənimin necə görünməsini kimsə mənə diqtə edə bilməz. Mənə necə rahatdırsa, elə də gəzirəm".