Movqe.Az İsrail mətbuatına istinadən xəbər verir ki, Türkiyənin "Mavi Mərmərə" gəmisi basqını ilə bağlı hazırladığı iddianaməyə reaksiya verən İsrail xarici işlər naziri Aviqdor Lieberman, "İsrail zabitlərinin Türkiyə tərəfindən terrorçu hesab edilməsinə icazə verməz" deyib.

İsraili ziyarət edən Almaniya prezidenti Yoaçim Qaukla görüş əsnasında açıqlama verən İsrail xarici işlər naziri Aviqdor Lieberman Türkiyəni topa tutub.

"Mavi Mərmərə" basqını əmrini verən və əməliyyata qatılan İsrailli əsgərlərin mühakimə olunmaq üçün Türkiyəyə qaytarılmasını nəzərdə tutan iddianamaya sərt reaksiya verən Lieberman, İsrailin zabitlərinin Türkiyə tərəfindən terrorçu hesab edilməsinə icazə verməyəcəyini söyləyib.