Gürcüstanda qızılca xəstəliyi ilə bağlı vəziyyət yenidən təhlükəli həddə çatıb. Məlumatlara görə, artıq bu ölkədə qızılcadan ölüm halları qeydə alınmaqdadır. Azərbaycan Gürcüstanla sıx gediş-gəlişin olduğu ölkələr arsında olduğundan, eləcədə həmsərhəd olduğundan,  ölkəmizə bu xəstəliyin keçmə ehtimalı böyükdür. 

Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva isə Movqe.az-a açıqlamasında Azərbaycanda qızılcaya qarşı immunlaşdırmanın yüksək səviyyədə aparıldığını, Gürcüstandan Azərbaycana bu xəstəliyin keçmə ehtimalının 0-a bərabər olduğunu söyləyib. Şöbə müdiri bildirib ki, hazırda Azərbaycanda qızılcaya yoluxma ilə bağlı bir fakt belə yoxdur: "Biz qızılca xəstəliyi ilə bağlı tam rahatıq. Çünki, immunlaşdırma işləri yüksək səviyyədə aparılıb və bu işlər davam edir. Biz Gürcüstandan Azərbaycana qızılca xəstəliyinin keçməsi ilə bağlı narahat deyilik".