2014-2015-ci illər üçün hərəkət cədvəlinə keçidlə bağlı, 1 iyun 2014-cü ildən etibarən "Azərbaycan Dəmir Yolları" QSC respublikadan kənara hərəkət edən sərnişin qatarlarının hərəkət cədvəlində bəzi dəyişikliklər ediləcək.

QSC-nin Mətbuat Katibliyinin rəisi Nadir Əzməmmədovun APA-ya verdiyi məlumata görə, 55/56 və 95/96  saylı Bakı-Moskva sürət qatarlarının yola düşmə, çatma vaxtları və Bakıdan yola düşmə günləri dəyişdirilir.

55/56 saylı Bakı-Moskva-Bakı sürət qatarı "Azərbaycan Dəmir Yolları" QSC-nə məxsus heyətlə Bakıdan həftənin IV günləri və 95/96 saylı Moskva-Bakı-Moskva sürət qatarı "Rusiya Dəmir Yolları" ASC-yə məxsus heyətlə Bakıdan həftənin II və VI günləri saat 0:30-da yola düşəcək. Qatar Moskvaya saat 4:15-də çatacaq və saat 20:20-də Moskvadan yola düşəcək. 55/56 №-li Bakı-Moskva-Bakı sürət qatarı Bakıya çatma vaxtı həftənin II günləri saat 6:00-da, 95/96 saylı Bakı-Moskva sürət qatarı isə qatar həftənin I və V günlərin saat 6:00-da çatacaq.

369/370 saylı Bakı-Xarkov sərnişin qatarı ("ADY" QSC) qatarı ayın tarixləri ilə saat 21:50-də Bakıdan yola düşəcək, Bakıya isə saat 3:50-də çatacaq. Hər iki istiqamətdə müvəqqəti olaraq 369/370 Bakı-Xarkov-Bakı sərnişin qatarının marşrutu dəyişdirilib. Bununla əlaqədar olaraq, ləğv olunanadək Qorlovka, Konstantinovka, Kramatorsk, Slavyanskiy Kurort, Krasnıy Liman, Bukino stansiyalarına bilet satışı dayandırılır. Bilet satışı İlovaysk stansiyasından sonra yalnız Xarkov-sərnişin stansiyasına aparılacaq.

373/374 saylı Bakı-Tümen sərnişin qatarının ("Rusiya Dəmir Yolları" ASC) hərəkəti günaşırı öz hərəkət cədvəli və sxemi üzrə saxlanılır. Qatarın tərkibində qoşma Çyabinsk-Bakı, Ufa-Bakı, Samara-Bakı, Saratov-Bakı vaqonlar yeni trafaretlə hərəkət edəcəklər. Novosibirsk -Bakı birbaşa vaqonu il boyu, günaşırı təyin olunur. Yay mövsümündə yeni Orenburq-Bakı birbaşa vaqonu təyin olunur. 373/374 saylı Bakı-Tümen qatarının marşrutunda dəyişiklik ediləcək. Bununla əlaqədar olaraq Volsk, Balakovo, Puqaçovsk stansiyalarına bilet satışını bağlanacaq və əvəzində Kulatka, Vozrojdeniye, Sızran-şəhər stansiyalarına bilet satışını təşkil ediləcək.

391/392 saylı Bakı-Rostov sərnişin qatarı ("Rusiya Dəmir Yolları" ASC) ayın tarixləri ilə saat 21.50-də Bakıdan yola düşəcək, saat 3.50-də Bakıya çatacaq. 38/37 saylı Bakı-Tbilisi sərnişin qatarı ("ADY" QSC) öz hərəkət cədvəli və sxemi üzrə hərəkət edəcək.