Movqe.Az bildirir ki, Xristianların qeyd etdiyi Milad bayramında İsveçdə yüzlərlə kilsənin qapısına kilid vurulacağı açıqlanıb. İsveç Kilsələr Birliyinin məsulu Henrik Lindblad, havaların soyuması ilə əlaqədar kilsələrin böyük otaqarını isitməkdə maddi çətinlik çəkdiklərini bildirib. İsveçlilərin artıq kilsələrə getmədiyindən şikayətlənən Lindblad, üzvlərin belə kilsələrə baş çəkmədiyini söyləyib. Henrik Lindblad, buna görə Milad bayramından əvvəl ölkə daxilində yüzdən çox kilsəni bağlayacaqlarını bildirib. Pasxa bayramının birinci günündə yenidən kilsələri açacaqlarını deyən Lindblad, 2011-ci ildə 840 min adamın kilsə üzvlüyünü ləğv etdiyini bildirib.