"Azərbaycanda keçirilmiş prezident seçkilərində səsvermə zamanı seçki prosesində heç bir pozuntu qeydə alınmayıb".
"Report" xəbər verir ki, bunu müşahidəçi, Cənubi Tirol (İtaliya) parlamentində olan "Şimal liqası" parlament qrupunun prezidenti Luici Nevolla deyib.
"İnsanlar sərbəst səs verdilər, heç nəyi gizlətmədilər. Seçkilər açıq və təşkilatlanmış keçirildi. Ölkədə demokratik proseslər inkişaf edir", - L.Nevolla bildirib.
Onun sözlərinə görə, Azərbaycan Avropa İttifaqı və İtaliya üçün çox vacib ölkədir və enerji təhlükəsizliyi baxımından mühüm elementdir.