Bu da Nokia Lumia 925!

17 May 2013 17:02 (UTC+04:00)

Movqe.az xəbər verir ki, "Windows Phone" bazarında telefonlarını bir-birinin ardınca satışa çıxaran Nokia, iyunun əvvəlində bazara təqdim edəcəyi Lumia 925-i nümayiş etdirib. Qara, ağ və boz rənglərdə olan yeni Lumia 925, alüminium çərçivəsinin hamısını antena olaraq istifadə edir. Digər Lumia modellərinə nəzərən daha yüngül və incə olan Lumia 925, əməliyyat gücü və ekran ölçüsü baxımından eyni xüsusiyyətlərə sahibdir. Lumia 925-in 139 qramlıq ağırlığı, əvvəlki model olan Lumia 920-dən 50 qram daha yüngüldür.

Yeni telefonda performans və ekran ölçüsü baxımından kiçilmə yoxdur. Nokia bunun yerinə kabelsiz enerji yükləmə xüsusiyyətini ləğv etmişdi. Ancaq hələ də bu xüsusiyyəti istəyirsinizsə ayrı bir aparat ilə Lumia 925-ə əlavə edə bilərsiniz.

Eynilə bir əvvəlki distributivdə olduğu kimi yeni Lumia 925, Qualcomm tərəfindən inkişaf etdirilmiş dörd nüvəli 1.5 GHz prosessora malikdir. Ekran ölçüsü isə 4.5 düym və 1280 x 768 piksel həllolma dəqiqliyinə sahibdir. Arxa tərəfində 8.7 megapiksellik kamerası eyni zamanda optik imic stabilizasyon xüsusiyyətinə malikdir.

Yeni telefon kamera proqramında ciddi bir dəyişiklik edir. Smart Camera tətbiqi sayəsində həm fotoşəkil çəkilişi, həm də çəkilmiş fotoşəkillərin formalaşdırılmasında daha professional işlər edilə bilir. Bu yeni xüsusiyət yayın sonunda bütün Lumia platformalarına aid olan Amber kod adlı yeniləmə ilə gəlmiş olacaq.