Bakı-Sumqayıt yolunda sürət həddi azaldıldı (FOTO)
20 May 2013 11:38 (UTC+04:00)
Bakı-Sumqayıt yolunda avtonəqliyyat vasitələrinin maksimal sürət
həddi saatda 60 km-ə qədər azaldılıb. Mövqe.az-ın məlumatına
görə, bununla bağlı sürət həddini məhdudlaşdıran yol nişanı da
quraşdırılıb.
Yeni yol nişanı yolun Masazır dairəsindən Xırdalan dairəsinə qədər
olan hissəsinə şamil edilir.
Məsələyə münasibət bildirən Baş Dövlət Yol Polisi İdarəsinin
ictimaiyyətlə əlaqələr şöbəsinin rəisi Kamran Əliyev deyib ki,
Xırdalan qəbristanlığının yanında piyada keçidini müəyyən edən
zebra da çəkiləcək. Orada artıq piyada keçidini müəyyən edən yol
nişanı quraşdırılıb.