Bu günə gözlənilən hava şəraiti
5 May 2012 14:21 (UTC+04:00)
Mövqe.Az xəbər verir ki, Ekologiya və Təbii
Sərvətlər Nazirliyi Milli Hidrometeorologiya Departamentinin
məlumatına görə Bakıda və Abşeron yarımadasında mayın 5-də hava
şəraitinin dəyişkən buludlu olacağı, arabir tutulacağı, əsasən gecə
və səhər bəzi yerlərdə qısamüddətli az yağış yağacağı gözlənilir.
Arabir güclənən şimal küləyi əsəcək.
Havanın temperaturunun gecə 10-15 dərəcə isti, gündüz 20-24 dərəcə
isti olacağı gözlənilir.
Azərbaycanın rayonlarında mayın 5-də bəzi yerlərdə şimşək çaxacağı,
qısamüddətli yağış yağacağı gözlənilir.
Qərb küləyi əsəcək, arabir güclənəcək.
Havanın temperaturunun gecə 11-16 dərəcə isti, gündüz 20-25 dərəcə
isti, dağlarda gecə 3-8 dərəcə isti,
gündüz 10-15 dərəcə isti olacağı gözlənilir.
Hava şəraitinin qısa icmalına gəlincə isə mayın 5-6-da ölkə
ərazisində hava şəraitinin nisbətən qeyri-sabit keçəcəyi, havanın
tutulub açılacağı, əsasən gecə və axşam saatlarında qısamüddətli az
yağış yağacağı gözlənilir. Abşeron yarımadasında arabir güclənən
şimal küləyi əsəcək
Tural QABİLOĞLU