Movqe.Az xəbər verir ki, keçmiş Tayvan prezidenti Çen Shui-bianın həbsxanada intihara təşəbbüs etdiyi bildirilib. Tayvan Ədalət Nazirliyindən edilən şərhdə Çen Shui-bianın ölkənin mərkəzi ərazilərindəki Taichung Həbsxanasında, bir dəsmal ilə özünü asmağa çalışdığı deyilib. Rəsmilər gözətçilərin son anda qarşısını aldığı intihar cəhdinin ardınca Çenin xəstəxanaya qaldırıldığını söyləyib. Xatırladaq ki, Çen, 2000-2008-ci ildəki prezidentliyi dövründə rüşvət almaqda təqsirkar bilinərək 2009-cu ildə 20 il həbsə məhkum edilmişdi.