Movqe.Az xəbər verir ki, "Apple"ın San Franciskoda təşkil etdiyi Yaradıcılar Konfransı (WWDC 13) dünən başlayıb. Dörd gün davam edəcək konfransın ilk günündə Apple-ın iPhone, iPad və iPod Touch cihazları üçün təkmilləşdirilən yeni əməliyyat sistemi iOS 7, Mac platformaları üçün inkişaf etdirilən əməliyyat sistemi OS X Mavericks və Mac iTunes Radio tanıdılıb. Vizual baxımdan yenidən hazırlanan iOS 7 fərqli tətbiq işarələri, şəffaflığı və interfeys animasiyaları ilə diqqət çəkib. Dizayn rəhbəri Con İve məqsədlərinin sistemin istifadəçilər baxımından daha dəqiq olmasını təmin etmək olduğunu söyləyib. iPhone, iPad və iPod Touch sahibləri iOS-un yeni versiyasını növbətii payızda istifadə edə biləcəklər. iOS 7, iPhone 4, iPhone 4S, iPhone 5, iPad 2, iPad 3, iPad 4, iPad mini və beşinci nəsil iPod Touch cihazları tərəfindən dəstəklənəcək.