“Azərbaycan 2020: gələcəyə baxış” İnkişaf Konsepsiyasının ailə strategiyasının hazırlanması üçün araşdırmalar aparılır-Özəl
9 İyul 2013 19:08 (UTC+04:00)
"Azərbaycan 2020: gələcəyə baxış" İnkişaf Konsepsiyasının
ailə strategiyasının hazırlanması üçün araşdırmalar aparılır.
Bu sözləri Movqe.az-a açıqlamasında Ailə, Qadın və Uşaq Problemləri
üzrə Dövlət Komitəsinin Komitənin İnformasiya və Analitik
Araşdırmalar şöbəsinin məsləhətçisi Aynur Veysəlova söyləyib. Onun
sözlərinə görə, milli adət-ənənələr saxlanılmaqla yeni sistemdə
Azərbaycan ailəsini necə qorumağın strategiyası işlənib hazırlanır:
"Bu sənəddə ailə institutumuzu müasir, yeni dünyada qoruyub
saxlamağın yolları öz əksini tapacaq. Bildiyiniz kimi, ailə hər bir
dövlətin dayağıdır. Bu konsepsiyada Azərbaycan ailələrinin
uzunömürlülüyün davamlı olması ilə bağlı həlli vacib olan məsələlər
işlənir, hazırlanır".