Movqe.Az xəbər verir ki, seçilməsindən bu yana ilk ziyarətini Braziliyaya edən Papa Françesko, təyyarədə bir araya gəldiyi jurnalistlərlə zarafatlarla dolu bir söhbət reallaşdırıb. Yeni Papanın ölkələrindən seçilməsini arzu etmiş olan Braziliyalılara istinad edən Françesko, "Allah onsuz da Braziliyalıdır. Siz hələ bir Papanın buradan çıxmasını istədiniz "deyib. Katolik Kilsəsinə yeni bir nəfəs gətirən Argentinalı Papa Françesko, Mart ayındakı seçkilərin ardınca dünən ilk dəfə İtaliya torpaqlarından xaricə çıxaraq, yenə ölkəsinin də olduğu Cənubi Amerikada yerləşən Braziliyanın Rio da Janeiro şəhərinə gedib. 4 ay əvvəl Katoliklərin ruhani liderliyini boynuna götürmüş olan Françesko burada, Katolik Dünya Gəncliyi Gününün açılışını edəcək və bəzi fəaliyyətlərə qatılacaq. Papanın, 20 il ərzində özünü Katolik inancına bağlı hiss edənlər nəzdində ciddi nisbətdə eniş yaşandığı Braziliyaya etdiyi bu əhəmiyyətli ziyarətini, ruhani liderlə eyni təyyarədə səyahət edən 70 jurnalist də yaxından izləyib. Romadan çıxandan 12 saat sonra Braziliyaya çatan Papa, təyyarədə bir müddət söhbət etdiyi jurnalistlərlə zarafat da edib. İtalyan mətbuatına əks olunan məlumatlara görə Papa, təyyarədə olan Braziliyalı jurnalistlərdən birinə, "Allah onsuz da Braziliyalıdır. Siz də Papanın buradan çıxmasını istədiniz "deyə zarafat edib.