Bakı-Qazax yolunda ağır qəza
8 Avqust 2013 10:55 (UTC+04:00)
Bakı-Qazax yolunda ağır yol qəzası baş verib. ANS PRESS-in
Fövqəladə Hallar Nazirliyinin mətbuat xidmətinə istinadən verdiyi
məlumata görə, Bakı-Qazax yolunun 105-ci kilometrliyində, Şamaxı
rayonu ərazisində "VAZ" və "Volkswagen" markalı iki minik
avtomobili toqquşub. Dərhal hadisə yerinə FHN-in müvafiq xilasetmə
qüvvələri cəlb olunublar. Hadisə yerində əməliyyat şəraiti
qiymətləndirilərkən məlum olub ki, "Volkswagen" markalı avtomobilin
sürücüsü və sərnişini xəsarət alıb. Yanğınsöndürən-xilasedicilər
təhlükəsizlik qaydalarına riayət etməklə xüsusi alət və
avadanlıqlar vasitəsilə sıxılmış vəziyyətdə qalmış yaralıları
avtomobildən çıxarıb və aidiyyəti üzrə təhvil veriblər. Həmçinin
ərazidə müvafiq təhlükəsizlik tədbirləri görülüb.