FİFA oyun alqı-satqısında əli olanları sərt şəkildə
cazalandırır. Mövqe.az Fanat.az-a istinadən xəbər verir ki, növbəti
dəfə 2 hakim və bir futbolçu futbol qurumunun hədəfinə tuş
gəlib.
Belə ki, iyul ayında oyun alqı-satqısında iştirak edən iki erməni
hakimi UEFA futboldan kənarlaşdırmışdı. Lakin, FİFA hər iki hakimə
daha ağır cəza verərək, ömürlük yaşıl meydanlardan kənarlaşdırdı.
Hakimlərdən əlavə bir futbolçu da ömür boyu futbola həsrət
qalacaq.
Estoniyalı futbolçu Elvis Livamaqi isə yerli futbol federasiyasının
cəzası ilə üzləşib. Buna da səbəb futbolçunun oyun alqı-satqısına
qarışması olub. Asiya Futbol Federasiyası isə livanlı hakim Əli
Sabbaqı cəzalandırıb. Digərlərindən fərqli olaraq Sabbaq seks
qarşılığında oyunu satmış və buna görə də 6 ay müddətinə azadlıqdan
məhrum edilmişdi.