Mövqe.az-ın məlumatına görə, filmin çəkilişləri hələ də
baş tutmayıb. Ötən gün isə böyük səs-küyə səbəb olan, Azərbaycan və
Türkiyə rejissorlarının birgə layihəsi kimi tanıdılan serialın
yalan olduğu xəbərləri yayılıb.
Rəqqasə və aparıcı bununla bağlı bəyanat yayıb. Bəyanatda
bildirilir:
"Biz, Oksana Rəsulova və Tural Ozan bəyan edirik! Bir neçə ay öncə
bizə təklif gəldi. Azərbaycan və Türkiyənin birgə layihəsi olan
"Acıtan Yürək" filmində baş rolda çəkilməli idik. Anlaşmaya əsasən,
filmi türkiyəli rejissor Cansu Kırdar İrmak lentə alacaqdı. Eyni
zamanda filmdə "Kaybolan yıllar" serialından tanıdığımız aktyor
Saruhan Hünərin də baş rolda olacağı bildirildi. Layihə rəhbəri
Günel Abdullayeva həmçinin , filmin digər iştirakçılarının seçim
turlarında Acun Illıcalı və "Möhtəşəm yüz il" serialının qəhramanı
Məryəm Uzərlinin də iştirak edəcəyi bildirdi. Filmin Türkiyədə
İzmirdə, Bakıda və Qəbələdə çəkiləcəyi deyilirdi. Artıq bir neçə ay
keçməsinə baxmayaraq, serial hələ də çəkilmir. Hər ay layihə
rəhbəri naməlum səbəblərə çəkilişi təxirə salıb, növbəti aya
salındığını bildirir. Biz də, bu məsələdən ciddi narahat olub
araşdırma apardıq.
Məlum oldu ki, filmi lentə alacaq resjissor Cansur Kırdar İrmak
adlı şəxs ümumiyyətlə mövcud deyil. Hətta internetdə axtarış
sistemində də Cansu adlı rejissor yoxdur.
Ekran işinin sorağı Türkiyə mediasına qədər gedib çıxıb və
jurnalistlərin araşdırmasına görə, Saruhan Hünəl bu xəbərin yalan
olduğunu bildirib. Eyni zamanda hal- hazırda Almaniyada olan Meryem
Uzerlinin nişanlısı Can Ataş türk mediasına müsahibədə xəbərin
yalan olduğunu deyib. Layihə rəhbəri bizə film üçün baş rola görə
hər birimizə 15.000 manat verəcəyini bildirmişdi. Amma hal-hazırda
nə film var, nə də rəsmi bir müqavilə.
Eyni zamanda "Acıtan ürək" filmin mediada piarının aparılmasında və
əlavə iştirakçılar cəlb etmək üçün bizim adımızdan istifadə
edildiyini düşünürük.
Son zamanlar təkcə biz deyil, filmdə iştirak edən digər
iştirakçılarında bizə müracət edərək onlarda narahat olduqlarını
bildirirlər. Bununla yanaşı dünən apardığımız araşdırma zamanı
məlum oldu ki, kastinqə gələn 500-dən çox iştirakçının hər birindən
heç bir sənəd təqdim edilmədən müəyyən miqdarda pul da alınırmış.Və
hal-hazırda kastinqlər davam edir. Hətta layihə rəhbəri filmin 17
sponsoru olduğunu bildirir. Bu şirkətlər arasında kifayət qədər
önəmli firmaların və şəxslərin adını hallandırır.
Beləliklə, "Acıtan ürək" adlı filmdən imtina edirik. Bu günə qədər
adımızdan suni istifadə etməklə özlərinə piar və yeni iştirakçı
qazanmaqla dolayı yolla pul qazanmaq istəyən layihənin rəhbəri
Günel Abdullayevanı insanları aldatmaqda günahlandırırıq. Həmçinin
bundan sonra filmlə adımızın bir hallanmasını istəmirik. Bizə qarşı
edilmiş haqsızlıqa və bizi aldatdığına görə məsələni hüquqi yolla
həll edəcəyik. Bununla bağlı rəsmi orqanlara müraciət edib ,
təzminat davası açacayıq".