Movqe.Az xəbər verir ki, Daun sindromu əlamətlərini tərsinə çevirə biləcək molekul tapılıb. ABŞ-dakı Con Hopkins Universitetindən elm insanlarının siçanlar üzərində etdiyi araşdırma, doğumdan sonra bu molekulun verildiyi heyvanların beyninin normal inkişaf etdiyini, yaddaş və öyrənmə bacarığının artdığını göstərib. Tədqiqatçılardan Dr. Roger Reeves, Daun sindromlu insanların çoxunun beyninin normaldan kiçik olduğunu ifadə edərək, kəşf edilən molekulun beyinin normal şəkildə böyüməsini təmin etdiyini vurğulayıb. Reeves həmçinin molekulun yaddaş və öyrənmə bacarığına da gözlənilməz şəkildə müsbət təsir etdiyini bildirib. Bu molekulun insanlarda istifadə edilməsi üçün çox erkən olduğunu vurğulayan Reeves, ancaq siçanlar üzərindəki bu araşdırmanın yeni işlərə yol açdığını da əlavə edib. Araşdırma, "Science Translational Medicine" jurnalında nümayiş olunub.
Daun irsi xəstəlikdir və xəstəlik uşağa yalnız anadan keçir. Bu sindroma əsasən 35 yaşından sonra hamilə qalan və irsi genetik xromosom dəyişiklikləri olan qadınların körpələrində rast gəlinir. Daun sindromu ilə uşaq doğma ehtimalı 35-40 yaşlı qadınlarda 10 dəfə, 40 yaşdan yuxarı olanlarda 100 dəfə çoxdur. Yəni burada atanın yaşının heç bir fərqi yoxdur. Çox vaxt irsi xəstəlik dedikdə elə hesab edirlər ki, daun nəsildən keçir: əgər nəsildə kimdəsə daun sindromu olubsa, nəvə, nəticə bu xəstəliyə tutulacaq. Ancaq bu, belə deyil. Xəstəlik yalnız ananın orqanizmindəki xromosomlardan asılıdır. Son vaxtlar gənc qızların qanlarında çox sayda mikroblar aşkar edilir. Valideynlər elə başa düşürlər ki, daun xəstəliyinə səbəb də elə bu mikroblardır. Onlar elə hesab edirlər ki, mikroba qarşı müalicə aparıldıqdan sonra körpə sağlam doğulacaq. Ancaq mikrobların bu xəstəliyin yaranmasında heç bir rolu yoxdur.
Daun sindromu 21-ci cüt xromosomlarda baş verən anomaliya zamanı trisomiyanın əmələ gəlməsidir. Daha dəqiq meyozun (qametogenezin) normal gedişinin pozulması ilə əlaqədardır. Yumurtahüceyrə və spermatazoid mutasiyalara həssas olduğundan bu sindromla dünyaya gələn uşaqların sayı kifayət qədərdir. Daun sindromunun başqa bir səbəbi də xromosom traslokasiyasıdır. Belə ki, 15-ci cüt autosom xromosomlardan biri olduğu kimi qalır, lakin ikinci xromosomun bir hissəsi delesiyaya uğrayır və onun itirilmiş hissəsi 21-ci cüt xromosomların birinin tərkib hissəsinə keçir. Genotipdə 46 xromosom olmasına baxmayaraq Daun sindromunun əlamətləri özünü biruzə verir. Daun sindromunu törədən səbəblərdən biri də tərkibində purin alkaloidləri - kofein, teobromin, teofillin olan maddələrin çox qəbul edilməsidir.