Mövqe.az artıq xəbər verdiyi kimi, müasir kinematoqrafın ən gözəl aktrisalarından biri Milla Yovoviç Bakıya gəlib.
Bu gün aktrisa şəhərdə gəzib və İçərişəhərdəki
çəkilişlərdə iştirak edib.
Mövqe.az-ın verdiyi xəbərə görə, bu barədə
1news.az-a "Buta" İncəsənət Mərkəzinin Bakı filialının
direktoru Əzizə Seyidova məlumat
verib.
Əzizə Seyidova Facebook səhifəsində artıq aktrisa ilə çəkdirdiyi
fotoları ilə bölüşüb:
"Millanın çəkildiyi videoçarxın çəkilişləri İçərişəhərdəki "Buta"
İncəsənət Mərkəzinin Bakı filialının önündə keçirilirdi. Mənə bu
maraqlı gəldi, axı dünya kinematoqrafının ulduzunu ofisinin önündə
hər gün görmürsən. Və ona yaxınlaşmaq qərarına gəldim. Aktrisa
ünsiyyətdə çox sadə idi. Milla ilə söhbətdə mən dedim ki, onu
Azərbaycanda çox sevirlər. O isə cavab verdi:
- Bakı məni heyran etdi! Sizin son dərəcə gözəl, möhtəşəm şəhəriniz
var. Heyf ki, daha əvvəl bura gəlməmişəm. Ancaq söz verirəm, yaxın
zamanlarda mütləq bir daha bura gələcəyəm!"