"ABŞ İranda rejimin dəyişməsinə nail olmağa çalışmır və onun sülh məqsədli nüvə energetikasına olan hüququna hörmətlə yanaşır".
APA-nın "RİA Novosti"yə istinadən verdiyi xəbərə görə, bunu sentyabrın 24-də ABŞ prezidenti Barak Obama BMT Baş Assambleyasının sessiyasında çıxışı zamanı bəyan edib.
"Biz rejimin dəyişməsinə nail olmağa çalışmırıq və İran xalqının sülh məqsədli nüvə enerjisinə olan hüququna hörmət edirik", deyə o qeyd edib.
Obama, bununla belə, qeyd edib ki, ABŞ nüvə silahının yayılmamasına dair öhdəliklərin İran tərəfindən icra edilməsini tələb edir.
Obama həmçinin ABŞ-ın İranla ziddiyyətlərinin diplomatik yolla həllinə sadiq olduğunu bəyan edib.