"Sony Xperia Z2" Apreldə çıxır

25 Sentyabr 2013 18:58 (UTC+04:00)
Movqe.Az xəbər verir ki, Mobil dünyada dedi-qodular kəsilmək bilmir. Sony Xperia Z1 hələ yeni satışa çıxarılsa da, Xperia Z2-in adı hallanmağa başlayıb. Ağıllı telefon bazarı sürətlə inkişaf edir.. Bununla birlikdə dedi-qodular da sürətlə yayılır. Son iddialar isə Sony-lə əlaqədardır. Daha əvvəl Sony Xperia Z2-ə aid olduğu iddia edilən bir fotoşəkil internetə sızmış və xüsusiyyətlərinə dair bəzi iddialar gündəmə gəlmişdi. İndi isə cihazın 2014-cü ilin aprelində bazara çıxarılacağı deyilir. İşin maraqlı tərəfi isə bu söz-söhbət Yaponiyadakı bəzi qaynaqlar tərəfindən təsdiqlənib. İddialara görə Xperia Z2-də 5.2 düymlük 506 pp-lik Full HD IGZO və Triluminos ekranı yerləşir. 3 GB RAM ilə yanaşı 4 nüvəli Snapdragon 800 prosessor, Ksenon flaşlı 20.7 megapiksellik arxa kamera, 3200 mAh batareya və Android 4.4 KitKat əməliyyat sisteminin olacağı iddiaları irəli sürülür.