71 günün sonunda türk pilotlar vətənə döndülər
21 Oktyabr 2013 00:11 (UTC+04:00)
Liviyada qaçırıldıqdan sonra sərbəst buraxılan türk pilotlar -
Murat Akpınar ve Murat Ağça İstanbula dönüblər. Akpınar ve Ağçanın
olduğu "Qatar" şirkətinə aid təyyarə saat 23.10-da "Atatürk" hava
limanına enib. Pilotları Türkiyənin baş naziri R. T. Ərdoğan
qarşılayıb. Murat Akpınar jurnalistlərin suallarını
cavablandırarkən keçmiş günlərini bu cür şərh edib: "İlk bir ay çox
çətin oldu. Bizi iki dəfə transfer etdilər. 15 gün bir otaqda Günəş
üzü görmədik. İlk saxlandığımız yer hava limanına çox yaxın idi.
Təyyarələrin enişini asanlıqla eşidirdik. Saxlanıldığımız müddətdə
heç vaxt şiddət görmədik. Əgər elə olsaydı, indi biz burda
olmazdıq. Baş nazirimizin ailələrimizlə görüşü bizə orda dözümlü
olmaq gücü verdi".
Xatırladaq ki, pilotlar bu ilin 9 avqust
tarixində qaçırılmışdı.