Samiraldo Əlikramı təhqir etdi
24 Dekabr 2013 16:01 (UTC+04:00)
Müğənni Əlikram Bayramov stilist Samiraldo ilə
dalaşıb.
Axşam.az-ın məlumatına görə, sənətçi "Space"
telekanalındakı "Günaydın" verilişində Samiraldonun onu zövqsüz
adlandırdığını bildirib:
"Yeni klip çəkdirmək istəyirdim. Burada imicimi
Samiraldoya həvalə etmək istəyirdim. Onunla əlaqə saxladıq,
soruşduq ki, kişilərlə çalışır, ya yox. Nalayiq sözlər işlətdi və
məni təhqir etdi. Dedi ki, Əlikram zövqsüzdür. Mən də onun cavabını
verdim. Çünki özümü çox zövqlü biri hesab edirəm".