Səkkiz ildir komada olan İsrailin sabiq baş naziri Ariel Şaron
vəfat edib. Movqe.az-ın "Reuters"ə istinadən xəbərinə
görə, bu ayın əvvəlində A.Şaronun səhhəti kəskin pisləşib. Əvvəlcə
böyrəkləri, sonra isə həyati əhəmiyyətli digər orqanları
fəaliyyətini dayandırıb. Yanvarın 9-da A.Şaronun müalicə
aldığı "Xaim Şeba" klinikasının mətbuat katibi David Veyndberq
bildirib ki, keçmiş baş nazirin komadan çıxmaq və həyatda qalmaq
şansı sıfıra bərabərdir. Qeyd edək ki, 2001-ci ildən İsrailin baş
naziri olmuş 85 yaşlı A.Şaron 2006-cı ilin yanvarında keçirdiyi
insultdan sonra komaya düşüb.