Hacı Allahşükür Paşazadənin şimal bölgəsinə səfəri başladı
12 Aprel 2014 15:05 (UTC+04:00)
Qafqaz Müsəlmanları İdarəsinin (QMİ) sədri,
şeyxülislam Allahşükür Paşazadənin Azərbaycanın şimal bölgələrinə
səfəri başlayıb.
Movqe.az ans press-ə istinadən xəbər verir ki,
Allahşükür Paşazadə Heydər Əliyev Mərkəzində olub və burada Heydər
Əliyevin abidəsi önünə gül qoyub. Mərkəzdə dini icmaların
nümayəndələri ilə görüş keçirilib və onlara dini ədəbiyyatlar
paylanılıb.
Allahşükür Paşazadə bildirib ki, Şabrana səfər
etməyinin əsas məqsədi buradakı dini vəziyyəti öyrənməklə bağlıdır.
Şeyx söyləyib ki, QMİ burada yaşayan əhalinin və dindarların dini
durumlarını öyrənib nəticə çıxaracaq və ehtiyac olduğu təqdirdə
insanlara bütün köməkliklər göstəriləcək. Şeyx həmçinin din-dövlət
münasibətlərindən danışıb. O bildirib ki, dövlətçiliyimizə zidd
olan radikal dini meyllərin zərərsizləşdirilməsində hamının birgə
olmağının vacibdir. Din-dövlət məsələlərində xüsusən radikallara
qarşı hamı bir olmalıdır".
Qeyd edək ki, Allahşükür Paşazadə daha sonra
Şabranda Xızır Nəbi məscidində olacaq. Şeyx həmçinin Siyəzənə də
səfər edəcək.