Sabahın hava proqnozu
12 Aprel 2014 16:00 (UTC+04:00)
Bakıda və Abşeron yarımadasında sabah hava
şəraitinin dəyişkən buludlu olacağı, arabir tutulacağı gözlənilir.
Axşam bəzi yerlərdə yağış yağacağı, gecəyə doğru şimşək çaxacağı
ehtimalı var.
Ekologiya və Təbii Sərvətlər Nazirliyinin Milli
Hidrometeorologiya Departamentindən ans press-ə verilən məlumata
görə, gündüz mülayim cənub küləyi əsəcək.
Havanın temperaturunun gecə 6-9, gündüz 13-18
dərəcə isti olacağı gözlənilir.
Azərbaycanın rayonlarında aprelin 13-də şimşək
çaxacağı, qısamüddətli yağış yağacağı gözlənilir. Səhər ayrı-ayrı
yerlərdə duman olacaq. Şərq küləyi əsəcək.
Havanın temperaturunun gecə 7-12, gündüz 18-23,
dağlarda gecə 2-7, gündüz 9-14 dərəcə isti olacağı
gözlənilir.