Türkiyə çinlilərin zülmündən qaçan uyğur türklərinə qucaq açdı
13 Aprel 2014 12:05 (UTC+04:00)
Martın 25-dən bəri İstanbulun Atatürk hava
limanında gözləyən və bu gecə aeroportdan çıxarılan 35 uyğur türkü
Türkiyədə qalacaq. Movqe.az ANS PRESS-ə istinadən verdiyi xəbərə
görə, İstanbul polis idarəsinin əcnəbilər şöbəsinə aparılan 35
uyğur türkü hal-hazırda orada saxlanılır.
Çindən qaçaraq hava yolu ilə Türkiyəyə gələn və
siyasi sığınacaq tələb edən 35 uyğur türkü Atatürk hava limanının
tranzit xətlər bölümündə gözlədilirdi. Lazımi hüquqi proseduranın
tamamlanmasından sonra gələn həftənin əvvəlində uyğur türklərinin
Türkiyəyə girişinə rəsmi icazə veriləcəyi
gözlənilir.
İstanbuldakı "Uyğur türkləri həmrəylik və
yardımlaşma dərnəyi" və "Türk Dünyası Araşdırmaları Vəqfi" siyasi
sığınacaq tələb edən uyğur türklərinə hüquqi dəstək vermək üçün
vəkillər də təyin edib.