ABŞ Dövlət Katibinin müavini Azərbaycana səfər edib
19 Aprel 2014 12:03 (UTC+04:00)
Enerji Resursları Bürosunda İcra üzrə ABŞ Dövlət
Katibi Köməkçisinin Müavini Culia Neşevat bərpa olunan enerji
resursları sahəsində fəaliyyətləri müzakirə etmək və əməkdaşlıq
üçün potensial sahələri müəyyən etmək məqsədilə bu həftəsonu
Azərbaycana səfər edib.
Movqe.az ANS PRESS-ə istinadən xəbər verir ki ,
ABŞ-ın Azərbaycandakı səfirlinyindən ANS PRESS-ə verilən məlumata
görə, səfir Riçard Morninqstar və Dövlət Katibi Köməkçisinin
müavini xanım Neşevat Azərbaycan Respublikasının Alternativ və
Bərpa Olunan Enerji Mənbələri üzrə Dövlət Agentliyi (ABEMDA) ilə
görüş keçirib.
Daha sonra xanım Neşevat Balaxanıdakı
Tullantıların İdarə Olunması zavoduna, o cümlədən Tullantıların
Enerjiyə Çevrilməsi zavodunda olub
"Azərbaycanın alternativ və bərpa olunan enerji
resursları sahəsində əldə etdiyi irəliləyişi görmək məni çox
sevindirdi. Azərbaycan neft və qaz olkəsi kimi tanınır, lakin biz
Azərbaycanı həm də alternativ enerji resursları ölkəsi kimi
tanımalıyıq. Azərbaycan təmiz enerji sahəsində böyük irəliləyişə
nail olmuşdur və biz Azərbaycanla bu sahədə güclü tərəfdaşlığın
qurulmasını səbrsizliklə gözləyirik".