Ukrayna Pasxa ərəfəsində silahlılara qarşı əməliyyatları dayandırdı
20 Aprel 2014 13:05 (UTC+04:00)
Ukrayna Pasxa ərəfəsində silahlılara qarşı
əməliyyatları dayandırır. Movqe.az ANS PRESS-ə istinadən xəbər
verir ki , xarici işlər naziri Andrey Deşitsa deyib ki,
inzibati binaları zəbt rusiyapərəst qüvvələrə qarşı başlanan
əməliyyatlar müvəqqəti olaraq dayandırılır. ABŞ Ukrayna böhranı ilə
bağlı Cenevrə razılaşmalarına əməl olunmadığı təqdirdə Rusiyanı
daha sərt iqtisadi sanksiyalarla hədələyib.
Ağ Evi tənqid edən Rusiya razılaşma ilə bağlı
özünə qarşı "günahkar şagird" rəftarının olduğunu deyib. Bu arada
Ukraynadakı rusiyapərəst separtaçılar inzibari binaları tərk
etməyəcəyini bildiriblər. Cümə axşamı Rusiya, Ukrayna, Avropa
İttifaqı və ABŞ nümayəndələrinin görüşündə əldə olunmuş razılaşmaya
əsasən Ukraynadakı silahlı qruplar tərksilah edilməli və zəbt
olunmuş inzibati binalar boşaldılmaldır. Tərəflər həmçinin
etirazlarda iştirak edənlərə qarşı amnistiyanın tətbiq olunacağını
bəyan ediblər. Lakin Donetsk separatçılarının Klikləyin sözçüsü
Kiyevdəki qeyri-qanuni hökumətin istefasınadək binalardan
çıxmayacağını bildirib.
Milli Təhlükəsizlik məsələləri üzrə ABŞ
prezidentinin müşaviri Susan Rice deyib ki, Cenevrə
razılaşmalarının yerinə yetirilmədiyi təqdirdə Moskvaya qarşı
sanksiyalar "Rusiya iqitisadiyyatının çox mühüm sektorlarına" qarşı
yönələcək.
ABŞ Rusiyaya çağırışında Şərqi Ukraynanın 9
şəhərində inzibati binaları ələ keçirən separatçılara qarşı öz
nüfuzundan istifadə etməyə səsləyib.
Prezident Barak Obama Ukraynada gərginliyin
azaldılması üzrə razılaşmaları alqışlayıb, lakin onların
müvəffəqiyyətinə dair bir o qədər də nikbin olmadığını
deyib.