Sumqayıtda H.Əliyev abidəsinin ətrafında Ulu Öndərin doğum günü ilə bağlı son illər ənənəvi olaraq qeyd edilən kitab bayramı təşkil olunub. Movqe.az xəbər verir ki, ədəbiyyatı təbliğ etmək, gənc nəsildə kitaba məhəbbət aşılamaq məqsədi ilə təşkil olunan tədbirdə şəhər rəhbərliyi, şəhər ictimaiyyəti və minlərlə şəhər sakini iştirak edib. Bayramda müxtəlif janrlı və məzmunlu kitablar təqdim olunub. Fondunda təxminən 700 minə yaxın nüsxə kitab saxlanılan Sumqayıt Mərkəzləşdirilmiş Kitabxana Sistemi (MKS) ilə birlikdə yarmarkada M.F.Axundzadə adına Milli Kitabxana da iştirak edib. Alıcılara son illər latın əlifbası ilə müxtəlif janrlarda nəşr olunmuş təxminən 10 mindən çox nüsxə kitab təklif olunub. Kitab bayramında ümummilli lider Heydər Əliyevin həyat və fəaliyyətinə həsr olunmuş əsərlərə geniş yer verilib.
Qeyd edək ki, tədbirin sonunda H.Ərəblinski adına Sumqayıt Dövlət Musiqili Dram Teatrının aktyorları maraqlı tamaşa ilə çıxış ediblər.