Binəqədidə partlayışda yaralananlardan 2-si öldü
17 May 2014 19:00 (UTC+04:00)
Mayın 11-də Binəqədi rayonunda baş vermiş partlayış zamanı xəsarət
alanlardan iki nəfəri xəstəxanada ölüb.
Movqe.az xəbər verir ki , Daxili İşlər Nazirliyinin mətbuat
xidmətindən verilən məlumata görə, partlayış zamanı xəsarət alan
Mahrux Hüseynova və İran vətəndaşı Murtuza Əlizadə mayın 16-da
xəstəxanada ölüb.
Xatırladaq ki, mayın 11-də İbrahim Paşazadə küçəsi 68 ünvanında
ümumi sahəsi 250 kv.m olan yerləşən şirniyyat və çörək bişirmə
sexində partlayış olmuşdu. Hadisə nəticəsində ölən olmasa da sex
işçilərindən 4 nəfər bədən xəsarətləri ilə xəstəxanaya
çatdırılmışdı.
Xəsarət alanlardan 3-ü kişi, biri isə qadın idi.