Liviyada silahlı toqquşma: 70 ölü, 140 yaralı
18 May 2014 19:05 (UTC+04:00)
Liviyanın Benqazi şəhərində hökumət qüvvələri ilə
radikal qruplaşma üzvləri arasında silahlı qarşıdurma davam
edir.
Movqe.az ANS PRESS-ə istinadən xəbər verir ki,
qarşıdurma zamanı ölənlərin sayı 70-ə çatıb. Daha 140 nəfər isə
yaralanıb. Yaralıların əskəriyyətinin vəziyyəti ağır olaraq
qiymətləndirilir.
Hökumət rəsmilərinin sözlərinə görə, hərbi
əməliyyatlar istefada olan general Xəlifə Həftar tərəfindən
özbaşına şəkildə icra olunub. O, əməliyyatlarda hökumətin
qüvvələrindən istifadə edib.
Ölkənin müvəqqəti baş naziri Abdullah əs-Sinni
əməliyyatların qanunsuz olduğunu bildirib və tərəfləri
zorakılıqlardan çəkinməyə çağırıb.