Ukrayna öz öhdəliklərini düzgün yerinə yetirmir
24 May 2014 12:00 (UTC+04:00)
Ukrayna təbii qaz nəqliyyatında tranzit ölkə kimi
öz öhdəliklərini düzgün yerinə yetirmir. Bu isə, Avropanın qazla
təmin olunması riskini daha da artırır. Movqe.az Anspress-ə
istinadən xəbər verir ki , Rusiya prezidenti Vladimir Putin
Ukraynadakı vəziyyəti şərh edərkən bu cür açıqlama verib.
Sankt-Peterburqada beynəlxalq iqtisadi foruma qatılan Putin qeyd
edib ki, hazırda ölkədə baş verən zorakılıqları vətəndaş müharibəsi
kimi də dəyərləndirmək olar.
"Rusiya həmişə Avropaya enerji təchizatında öz
etibarlılıq nüfuzuna dəyər verib. Son günlərdə yaşanan riskin səbəb
isə təbii ki, bizdən qaynaqlanmır. Burada söhbət kimdən gedir,
bəllidir. Söhbət tranzit ölkə statusundan sui-istifadə edən
Ukraynadan gedir".
Forumda çıxışı zamanı Putin NATO təşkilatının
Ukraynanı üzv qəbul etmək istəyi ilə də bağlı narahatlığını ifadə
edib.
Bu arada, Rusiyanın baş qərargah rəisi Valeri
Gerasimov NATO-nun Rusiya ilə sərhəd ölkələrində artan fəaliyyəti
ilə əlaqədar rəsmi Moskvanın qisas alacağını bəyan
edib.
Mart ayında Krım Rusiyaya qoşulduqdan sonra NATO
qüvvələri şərqi Avropada müttəfiq ölkələrin vətəndaşlarını
arxayınlaşdırmaq üçün hərbi təlimlərin sayını artırıb.