Misirdə seçkiöncəsi vəziyyət gərginləşib
24 May 2014 12:05 (UTC+04:00)
Misirdə prezident seçkiləri öncəsində vəziyyət yenidən gərginləşib.
Movqe.az ANS TV-yə istinadən xəbər verir ki , ötən gün paytaxt
Qahirədə "Müsəlman qardaşlar" hökumətə qarşı etiraz aksiyası
keçiriblər. Aksiya sonda fəallarla polis arasında qarşıdurmalara
səbəb olub. Qarşıdurmalar zamanı 2 nəfər ölüb, bir neçə nəfər
xəsarət alıb.
Seçkilərə iki gün qalmış dövlət başçısı vəzifəsinə real
namizədlərdən olan ölkənin sabiq ordu generalı Əbdül Fəttah
əl-Sissi xalqa müraciət edib.
Nadir hallarda mediya qarşısına çıxan əl-Sissi seçkilərlə əlaqədar,
demək olar ki, təşviqat kampaniyası aparmayıb. Lakin xalqa
müraciətində əl-Sissi hər kəsin bir nəfər kimi seçkilərə
qatılmasını istəyib.
Əl-Sissinin əsas rəqibi olan Hamdin Sabahi isə ötən gün sonuncu
seçki kampaniyasına çıxıb.
"Tanrının və xalqın qarşısında and içirəm ki, Misirdə ədalətli
dövlət quracağıq".
Bir qədər əvvəl seçkilərin ilkin mərhələsində xaricdə yaşayan
misirlilər seçki hüququndan istifadə etmişdilər. İlkin mərhələdə
keçirilən seçkilərin nəticələrinə əsasən, əhalinin 90 faizindən
çoxu əl-Sissiyə səs verib.