Göyçayda 2 yük maşını toqquşdu: yaralı var

25 May 2014 22:20 (UTC+04:00)

Göyçay rayonunda iki yük maşını toqquşub.

Movqe.az-ın APA-ya istinadən məlumatına görə, hadisə bu gün saat 13:00 radələrində Bakı-Şamaxı-Yevlax avtomobil yolunun 213-cü kilometrliyində, Göyçayın Qarabaqqal kəndi ərazisində qeydə alınıb.

Belə ki, 90-NA-220 dövlət nömrə nişanlı "HOVA" və 10-XX-264 dövlət nömrə nişanlı "KamAZ" markalı yük maşını toqquşub. Hadisə nəticəsində hər iki avtomobil yoldan çıxaraq aşıb. Maşınlar yolda təmir-bərpa işləri aparılan ərazidə aşıb.

Sürücülərdən biri, 1957-ci il təvəllüdlü Yusifov Mehman Əyyub oğlu müxtəlif bədən xəsarətləri ilə Göyçay Mərkəzi rayon Xəstəxanasına yerləşdirilib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.