Məktəblərdə tətil qısalır

31 May 2014 19:07 (UTC+04:00)

Azərbaycanda orta məktəblərdə təhsil müddətinin uzadılması və tətillərin qısaldılması tətbiq olunacaq.

Movqe.az xəbər verir ki, bunu jurnalistlərə təhsil naziri Mikayıl Cabbarov deyib. Onun sözlərinə görə, təhsil müddətinin uzadılması və tətillərin qısaldılması yeni tədris ilindən tətbiq edilməyə başlanacaq.

"Hazırda bu istiqamətdə işlər davam etdirilir", - deyə nazir bildirib.

M.Cabbarov dövlət proqramı çərçivəsində xaricdə təhsil almaq istəyənlər üçün sənəd qəbulu ilə bağlı da açıqlama verib. O, bildirib ki, sənədlərin qəbulu ilə bağlı bütün müraciətlər elektron formada həyata keçiriləcək.