Gəncədə yerli "narkobaron" tutuldu
31 May 2014 23:00 (UTC+04:00)
Narkotiklərlə Mübarizə İdarəsinin keçirdiyi
əməliyyat tədbirləri nəticəsində Gəncə şəhər sakininin mənzilindən
külli miqdarda narkotik vasitə tapılıb.
Movqe.az ANS PRESS-ə istinadən xəbər verir
ki, əməliyyatçılar tərəfindən Gəncə şəhər sakini, əvvəllər məhkum
olunmuş Məhərrəm Ağayevin yaşadığı Rəhim Hüseynov küçəsi, ev 18-ə
baxış keçirilib. Baxış zamanı məlum olub ki, M.Ağayev öz həyətyanı
sahəsində xüsusi aqrotexniki qaydada narkotik vasitələrin
becərilməsi, qurudulması və satışı ilə məşğuldur.
Polis əməkdaşları tərəfindən M.Ağayevin yerində
ifadəsi alındıqdan sonra Polis İdarəsinə aparılıb.
Faktla bağlı Gəncə şəhər Polis İdarəsi tərəfindən
araşdırmalara başlanılıb.