500-ə yaxın suitinin cəsədi tapıldı
25 Noyabr 2014 11:15 (UTC+04:00)
Perunun Ankaş bölgəsindəki bir çimərlikdə 500-ə yaxın suitinin
cəsədi tapılıb. Movqe.az xəbər verir ki, suitilərin ölüm səbəbi
hələlik məlum deyil. Yerli səlahiyyətlilər balıqçıların heyvanları
zəhərlədiyini iddia edir. Samanko bölgəsinin qubernatoru isə polis
səlahiyyətlilərinə suitilərin fermerlər və balıqçılar tərəfindən
zəhərləndiyini deyib. Səlahiyyətlilər hadisə haqqında istintaq
açılacağını söyləyib. Bu il noyabrın əvvəlində Piura bölgəsində
sahildə 187 suitinin cəsədi tapılıb.