Yunanıstan AB-yə qalib gəldi
21 Fevral 2015 12:01 (UTC+04:00)
Yunanıstana yardım proqramının müddəti 4 aylığına uzadılıb.
Movqe.az-ın milli.az-a istinadən məlumatına görə, Avrozonanın
maliyyə nazirləri şurası Yunanıstana yardım proqramının müddətini 4
aylığına uzatmağa razı olub. Yunanıstan bu müddət üçün 6 ay tələb
edirdi.
Bu, Avropa Qrupu ilə Yunanıstan arasında danışıqların davamı və
kompromisin əldə edilməsi üçün vaxtın azlığına görə edilib.
Rəsmi Afina əvvəlki hökumətlərin yardım proqramı müqabilində
aparmağa söz verdiyi islahatlara da davam edəcəyini açıqlayıb.
Yunanıstanın yeni hökuməti onlara verilmiş borcun bir hissəsinin
silinməsini, eləcə də yardım proqramı müqabilində tələb edilən
kütləvi ixtisar və büdcə xərclərinin azaldılması siyasətinə son
qoyulmasını istəyir.
Əgər danışıqlar nəticə verərsə, 4 aydan sonra Yunanıstana yardım
proqramının vaxtı uzadılacaq.