Bir neçə gün əvvəl yağan qarın əriməsi bölgələrdə problem yaradıb. Movqe.az Fövqəladə Hallar Nazirliyinin (FHN) rəsmi saytına istinadən xəbər verir ki, nazirliyin "Böhran Vəziyyətlərində İdarəetmə mərkəzinə" daxil olmuş məlumata əsasən, Salyan, Saatlı, Sabirabad və Lənkəran şəhərlərində yağan qarın əriməsi nəticəsində həyətyanı sahələrə su dolub. FHN-in müvafiq qurumları qeyd olunan ərazilərdə suyun çəkilməsi işlərinə cəlb olunublar. Əlavə məlumat veriləcək.