Vilayətdə Rusiyanın dövlət bayrağı endiriləcək, bütün əyləncəli tədbirlər təxirə salınacaq
Rusiyanın Omsk şəhərində kazarmanın uçması nəticəsində ölənlərin xatirəsinin yad edilməsi məqsədilə iyulun 14-də vilayətdə matəm günü elan olunub.
Movqe.az "Report"-a istinadən xəbər verir ki, bu haqda Omsk vilayətinin qubernatoru Viktor Nazarov uyğun sərəncam imzalayıb.
Sabah vilayətdə Rusiyanın dövlət bayrağı endiriləcək, bütün əyləncəli tədbirlər təxirə salınacaq.
Qeyd edək ki, iyulun 13-də Omskda Hərbi Desant Təlim Mərkəzinin kazarması uçub. Dağıntılar altından 42 hərbçi çıxarılıb, onlardan 23-ü ölüb, 19-u isə xəstəxanaya yerləşdirilib.