15-17 yaşlı qadınlar tərəfindən doğulan uşaqların dəhşətli statistikası açıqlandı
29 İyul 2015 18:14 (UTC+04:00)
15-17 yaşlı qadınlar tərəfindən doğulan uşaqların sayında artım
var. Bunu Movqe.az-a
açıqlamasında Ailə,Qadınvə Uşaq Problemləri üzrə Dövlət
Komitəsinin İnformasiya və Analitik Araşdırmalar şöbəsinin
məsləhətçisi Aynur Veysəlova deyib. A. Veysəlova bildirib
ki, əvvəlki illərdə, yəni, 2013-cü ildə 15-17 yaşlı qadınlar
tərəfindən doğulan uşaqların sayı 2855 idisə, 2014-ci ildə artaraq
3296-ya çatıb: "Eyni zamanda erkən nikahlar 2012-ci ildə 295,
2013-cü ildə 229 idisə, 2014-cü ildə 479-a çatıb". A. Veysəlova
bildirib ki, son illər erkən nikah hallarının qarşısını almaq üçün
qanunvericilik müstəvisində də xeyli iş görülüb: "Ailə Məcəlləsində
nikah yaşı dəyişdirilərək 18-ə çatdırılıb, eyni zamanda
Cinayət Məcəlləsində nikaha məcbur etmə, nikaha məcbur etmə
yetkinlik yaşına çatmayana edilibsə, 4 ilə qədər həbs qəti
imkan tədbiri və 4 min manatadək cərimə nəzərdə tutulub. Amma
bununla belə Azərbaycanın hər bir bölgəsində erkən nikah halları
qeydə alınır. Ailə,Qadınvə Uşaq Problemləri üzrə Dövlət Komitəsi
erkən nikah hallarının qarşısını almaq istiqamətində tədbirləri və
marifləndirmə işini davam etdirir".