Movqe.az xəbər verir ki, ABŞ-da Halloven Bayramı "Sandy" qasırğasının üzərindən yalnız iki gün keçməsinə baxmayaraq paytaxt Vaşinqtonda da təmtəraqla qeyd olundu. Paytaxtda ənənəvi Halloven bayramı şəhərin əsas turist məkanlarından olan "Georgetown"da qeyd edildi. Bir-birindən maraqlı və yaradıcı kostyumlarla küçələrə axın edən çox sayda amerikalı rəngli görüntülərə səbəb olub. Cadugərlər, zombilər, canavarlardan roman və filmqəhrəmanlarına qədər müxtəlif xarakterlərə bürünən Amerikalılar kostyumlarına maraq göstərənlərlə çoxlu şəkil çəkdirib. Körpələr və ev heyvanlarına belə günün mənasına uyğun paltarlar geydirilməsi diqqəti çəkib.